Лично видување кон иднината

Како кокиче, среде зима, во не толку далечната 1999 година, после долга борба од речиси 10 месеци, на втор месец, дваесет и втори ден, сум донела радост во моето семејство. Мојот поглед доби сјај и свое видување. Дополнителните 20-тина дена, во мајчината утроба, допринеле за мојата: поранешна, сегашна и идна истрајност, трпеливост, борбеност и неминовна упорност.

Чудна желба за нови знаења, започнува со моето образование, на петгодишна возраст, во ООУ „Гоце Делчев“ во Прилеп.

Лесно постигнав просек од 5,00. Го следам своето срце. Патот ме одведе пред портите на средното економско училиште „Кузман Јосифоски-Питу“, во економско-правна и трговска струка, во профилот правен техничар. Желбата е дел од мене, откако знам за себе.

Набљудувајќи го општеството сакам да го направам подобар овој свет. Подобра сегашност и иднина - кога веќе не можам да го сменам минатото.

За мене

Aктивности

SWOT анализа

За мене

Лична SWOT анализа

Лични искуства и активности

Кариера

Трета година сум во средно образование. Сонувам за поминување низ сите тие „тесни сокачиња“ на патот до среќата.

Сакам да бидам правник, за да обезбедам поголема доверба во светот, но сакам да го следам и мојот сон и желба за програмирање. Во огледалото гледам успешен програмер кој го живее својот сон: „Ако го работиш тоа што го сакаш, нема да мораш да работиш ни еден ден во животот“.

Јас сум и хуманист. Луѓето сакаат да патуваат во други земји, да помагаат на други места. Јас сакам да сум тука, да им помагам на моите сонародници. Помошта и тука е потребна. Мојата иднина е заматена, го бришам погледот за подобро да видам, потребно е време. Ќе му дадам „време на времето“ за делчињата од сложувалката да се вклопат и дојдат на свое место.

Секој од нас трага по нови можности за да напредува. Напредокот е најуспешен ако недостатоците се преточат во предности. Личната SWOT анализа ми овозможува поглед кон сегашните предности и недостатоци и идните можности и закани.